Улаанбаатар
"COVID-19"-тэй тэмцэж байгаа албан хаагчдын нийгмийн асуудлыг шийдвэрлэх үүрэг өглөө
МОНГОЛЫН МЭДЭЭ | УЛС ТӨР
Улаанбаатар /МОНЦАМЭ/. Засгийн газрын өнөөдрийн хуралдааны үеэр Ерөнхий сайд У.Хүрэлсүх "COVID-19" цар тахалтай тэмцэж байгаа төрийн албан хаагч, тэр дундаа эрүүл мэндийн ажилтнуудын цалин урамшуулал, нийгмийн асуудлыг шийдвэрлэх үүргийг холбогдох албаныханд өглөө.
Өнөөдрийн байдлаар, Монгол Улсад “COVID-19” халдварын 412 тохиолдол бүртгэгдээд байна. Үүнээс 317 нь эдгэрээд байгаа юм. ХӨСҮТ-д коронавируст халдвартай 90 хүн эмчлүүлж байгаагаас хоёр хүний биеийн байдал хүнд, 12 нь хүндэвтэр, 76 нь хөнгөн байна.
