Улаанбаатар
Өвөлжилтийн бэлтгэл 74,3 хувьтай хангажээ
ОРОН НУТГИЙН МЭДЭЭ | ХӨВСГӨЛ
Хөвсгөл /МОНЦАМЭ/. Хөвсгөл аймгийн хэмжээнд өвөлжилт, хаваржилтын бэлтгэлийг 74,3 хувьтай хангаад байна гэдгийг аймгийн Хүнс хөдөө аж ахуйн газраас мэдээллээ.
Өнөөдрийн байдлаар малчдын өвс тэжээлийн бэлтгэлийг 76,8 хувь, аймгийн аюулгүй нөөц бэлтгэл 35,6 хувь, сумын аюулгүйн нөөц 26,5 хувь, худгийн бэлэн байдал 92,3 хувь, малын усан хангамж 98,9 хувь, малчин өрхийн хашаа бууцны хангамж 96,9 хувь, өрхийн өвөлжилтийн бэлтгэл 92,9 хувьтай хангажээ. Сумдын нөөц 4800 тн өвс бэлтгэхээс 1385 тн өвс бэлтгэж, 1200 тн тэжээл бэлтгэхээс 312 тн тэжээл бэлтгэж Засгийн газрын тогтоолоор өгөгдсөн төлөвлөгөөт даалгаврын биелэлт 27,1 хувьтай байгаа ажээ.
