Болгарт “Хот мандал-нууц тарнийн сүм” үзэсгэлэн нээв

Монголын мэдээ | ГХЯ-ны мэдээ
ariunbold@montsame.mn
2020-10-21 14:05:21

Улаанбаатар /МОНЦАМЭ/. Монгол, Болгар улс дипломат харилцаа тогтоосны 70 жилийн ойг тохиолдуулан Чойжин ламын сүм музейн “Хот мандал-нууц тарнийн сүм” гэрэл зургийн үзэсгэлэнг Болгарын ГХЯ-нд дэлгэсэн байна.


Үзэсгэлэнг Болгарын Төрийн соёлын институттэй хамтран энэ сарын 20-нд нээжээ. Нээлтэд Монгол Улсаас Болгар улсад суугаа Элчин сайд Д.Батсайхан, Болгарын Гадаад хэргийн дэд сайд М.Люцканов, ГХЯ-ны Хоёр талын харилцааны ерөнхий газрын захирал Христо Полендако, Төрийн соёлын институтын захирал С.Йовева болон холбогдох албаныхан оролцжээ.


Үзэсгэлэнг энэ сарыг дуустал олны хүртээл болгоно.

Холбоотой мэдээ