Тусгай онгоц Истанбулыг зорилоо

Монголын мэдээ | Нийгэм
bolor@montsame.mn
2020-09-18 10:38:42

Улаанбаатар /МОНЦАМЭ/. Улсын онцгой комиссын шийдвэрийн дагуу Туркийн Истанбул  хотоос иргэдээ татаж авах тусгай  онгоц өнөөдөр 07:00 цагт “Буянт-Ухаа” олон улсын нисэх буудлаас хөөрлөө.


Тус онгоцоор 250 гаруй иргэн эх орондоо ирэх бөгөөд маргааш буюу энэ сарын 19-ний 01:00 цагт Улаанбаатар хотод газардах хуваарьтай юм.


Иргэдийг ХӨСҮТ, ЦТЭ, “Орентал”, “Алтай”, “Боржигон”, “Мөнххустай”, “Налгар” зочид буудал, амралтын газруудад тусгаарлана  гэж УОК-ын Шуурхай штабаас мэдээллээ.


Энэ сард 12 удаагийн тусгай нислэгээр 3,100 гаруй иргэнээ татан авах шийдвэрийг УОК-оос гаргасан. Одоо дараах чиглэлүүдэд нислэг үйлдэх юм.

·         9 сарын 18-нд Истанбул-Улаанбаатар 

·         9 сарын 21-нд Сөүл-Улаанбаатар 

·         9 сарын 23-нд Франкфурт-Улаанбаатар 

·         9 сарын 24-нд Сөүл-Улаанбаатар 

·         9 сарын 25-нд Седней-Улаанбаатар 

·         9 сарын 28-нд Сиатл-Улаанбаатар



Холбоотой мэдээ