Баяр наадмыг угтсан хяналт шалгалт үргэлжилж байна

Монголын мэдээ | Нийгэм
192@montsame.mn
2020-07-10 10:46:34

Улаанбаатар /МОНЦАМЭ/. Налайх дүүргийн Мэргэжлийн хяналтын хэлтэс тус дүүргийн зам, талбайн дагуу зөвшөөрөлгүй газарт малын худалдаа хийсэн зөрчлийг ТЦА-тай хамт илрүүлэв. Тус хэлтэс "COVID-19"-ийн цар тахлын үед халдвараас сэргийлж, мэргэжлийн байгууллагаас гаргасан зөвлөмж, сэрэмжлүүлгийг хүргэн ажиллаж байна.  

Тодруулбал, Үндэсний их баяр наадмыг угтан "Эрсдэлээс урьдчилан сэргийлэх тухай" зөвлөмж хүргүүлж, хөдөө орон нутгаас амьд хонь, ямаа тээвэрлэн ирсэн малчид, ченжүүдийг дүүргийн Засаг даргын захирамжаар малын түүхий эдийн зах зэрэг зөвшөөрсөн цэгт худалдааг хийлгэж байна. Мэргэжлийн хяналтын байгууллагаас баяр наадмын үеэр хийж буй хяналт шалгалт үргэлжилж байна.


Холбоотой мэдээ