Хүүхдийн зуслан ажиллуулах түр журам батлав

Монголын мэдээ | Нийгэм
bolor@montsame.mn
2020-07-09 12:06:14

Улаанбаатар /МОНЦАМЭ/. "COVID-19" цар тахлын үед ажиллах хүүхдийн зуслангийн үйл ажиллагааны чиглэл, эрүүл ахуй, халдварын сэргийлэлт, хяналтын үйл ажиллагаа, амрагч, байгууллага болон ажилтны хүлээх үүрэг, хариуцлагатай холбоотой харилцааг зохицуулах зорилгоор “Коронавируст халдварын цар тахлын үед хүүхдийн зуслан ажиллуулах түр журам”-ыг баталлаа.


Журмыг Засгийн газрын хэрэгжүүлэгч агентлаг Гэр бүл, хүүхэд, залуучуудын хөгжлийн газраас ЭМЯ, ОБЕГ,  МХЕГ, Нийслэлийн Гэр бүл, хүүхэд, залуучуудын хөгжлийн газар, Монголын зуслангуудын холбооны төлөөллөөс бүрдсэн ажлын баг байгуулж боловсруулжээ. Ингэснээр хүүхдийн зуслангууд  энэхүү журмыг мөрдөж, үйл ажиллагаагаа эхлэхээр болж байна.


Хүүхдийн зуслангууд Монгол Улсын хүүхдийн эрхийн тухай хууль, “Коронавируст халдварын цар тахлаас урьдчилан сэргийлэх, тэмцэх, нийгэм, эдийн засгийн сѳрѳг нөлөөллийг бууруулах тухай“, Эрүүл ахуйн тухай, Хүнсний тухай, Хүнсний аюулгүй байдлыг хангах тухай, Хүүхдийн зуслангийн үйл ажиллагаа Ерөнхий шаардлага MNS5633:2019 стандарт, Хөдөлмөр нийгмийн хамгааллын  сайдын 2019 оны А/150 дугаар тушаалаар батлагдсан “ Хөгжлийн жишиг хөтөлбөр” болон бусад хууль тогтоомжийг баримтлан ажиллахаар уг журамд тусгажээ.

Журмыг  http://www.fcy.gov.mn/news/184 холбоосоор үзэх боломжтой. 

Холбоотой мэдээ