“Инженер, технологийн дээд боловсрол” төслийн баг УОК-т 10 сая төгрөг хандивлав

МОНГОЛЫН МЭДЭЭ | ХУУЛЬ
boloroo8136@gmail.com
2020-06-30 11:38:14

Улаанбаатар /МОНЦАМЭ/. Монгол-Япон хоёр улсын Засгийн газар хооронд байгуулсан гэрээний дагуу БСШУСЯ-наас хэрэгжүүлж буй “Инженер, технологийн дээд боловсрол” төслийн хамт олон, “1000 инженер” төслийн багш, судлаач, оюутан залуус болон гэр бүлийн төлөөлөл Улсын онцгой комисст 10 сая төгрөгийг  өнөөдөр хандивлалаа.


Тус төслийн сургалтын хөтөлбөрүүдэд суралцаж байгаа оюутнуудын эцэг, эхээс санаачлан “Сайхан сэтгэлийг түгээе” хандивыг өрнүүлсэн байна.


Энэ үеэр цар тахлын энэ цаг үед эх орон, ард иргэдийнхээ төлөө амрах цагийг умартан, зориг зүрхээ дайчлан аюулт өвчний халдварыг хүн амын дунд тархаалгүй, хичээл зүтгэл гарган ажиллаж байгаа Монгол Улсын Засгийн газар, Улсын онцгой комисс болон нийт албан хаагчдад талархал илэрхийллээ 

Холбоотой мэдээ