Монголын хөлбөмбөгийн холбоо МҮОНРТ-тэй 2 жил хамтран ажиллана
МОНГОЛЫН МЭДЭЭ | СПОРТУлаанбаатар /МОНЦАМЭ/. Монголын Хөлбөмбөгийн Холбоо, Монголын Үндэсний Олон Нийтийн Радио Телевизтэй хоёр жилийн хугацаанд хамтран ажиллах санамж бичгийг лхагва гарагт /2020.05.20/ байгууллаа.
Гэрээ ёсоор МХБХ, МҮОНРТ
хамтран цар тахлын үед хүүхэд багачууддаа зориулан хөлбөмбөгийн теле хичээл
явуулах юм. Хичээлийг ОУХМ Б.Гарьдмагнай, П.Алтантулга, Х.Цэнд-Аюуш нар ирэх 6 дугаар сарын 1-ээс наймдугаар сарын 31-нийг хүртэл удирдан явуулна.
Хөлбөмбөгийн теле хичээл
MNB Sport сувгаар долоо хоногийн мягмар, пүрэв, бямба гарагт 10 цагаас гарах
бөгөөд тухайн өдрийн дугаарыг орой нь 18 цагт давтахаар болжээ.
МХБХ-ны Грассрүүтс
хөтөлбөрийн хүрээнд явуулах теле хичээлээс гадна МХБХ-ны тэмцээн
уралдаануудыг гэрээ байгуулан шууд дамжуулах, олон улсын томоохон тэмцээнүүдийн
эрхийг авах чиглэлээр хамтран ажиллахаар боллоо гэж Монголын
Хөлбөмбөгийн холбооноос мэдээллээ.