Улаанбаатар
"COVID 19" туссан иргэдийн 15 нь эдгэрэв
МОНГОЛЫН МЭДЭЭ | ЭРҮҮЛ МЭНД
Улаанбаатар /МОНЦАМЭ/. ХӨСҮТ-ээс өнөөдөр нэг хүн эдгэрч, дараагийн шатны ажиглалт хяналтад шилжлээ. Ингэснээр коронавирусээр халдварласан нийт 15 хүн эдгэрч байгааг ХӨСҮТ-ийн ерөнхий захирал Д.Нямхүү мэдээлэв.
Тэрбээр, таван төрлийн сорьцод шинжилгээ хийж, 2-3 удаагийн давтан шинжилгээгээр сөрөг буюу коронавирус илрэхгүй бол эдгэрлээ гэж үзэн дараагийн шатны хяналтад шилжүүлж байгааг хэллээ.
Одоогоор ХӨСҮТ-д 102 хүн тандалт ажиглалтад байгаа бөгөөд коронавирусний халдвартай 27 хүн эмчлүүлж байгаа бол ойрын хугацаанд хоёр хүн эдгэрэх явцтай байгаа аж.
ХӨСҮТ-ийн хоёр болон Дархан-Уул аймгийн салбар
лабораторид өчигдөр нийт 80 хүнд коронавирусний шинжилгээ хийхэд халдвар
илрээгүй байна. Үүнд, ХӨСҮТ-д тусгаарлагдсан 30 хүнд давтан шинжилгээ,
тандалтын зорилгоор цуглуулсан 29 хүнд шинжилгээ хийхэд халдваргүй гарчээ. Мөн Алтанбулагийн боомтоор орж ирсэн, ачаа
тээврийн 21 жолоочид хийсэн шинжилгээгээр коронавирус илрээгүй байна.
