Улаанбаатар
Ялалтын туг мандсан өдрүүд
МОНГОЛЫН МЭДЭЭ | УЛС ТӨР
Улаанбаатар /МОНЦАМЭ/. Дэлхийн II дайны ялалтын 75 жилийн ой энэ онд тохиож буй. 1945 оны 4 дүгээр сарын
30-наас 5 дугаар сарын 1-нд Зөвлөлтийн цэргийн буудлагын 150-р дивизийн түрүүч
Егоров, Кантария нар Германы Рейхстаг дээр аугаа ялалтын тугийг өргөн
мандуулсан юм.
Ялалтын
туг орой дээр нь намиран шатаж буй Рейхстагийн гэрэл зургууд 1945 оны 5 дугаар
сарын 3-нд Москвагийн “Правда” сонинд гарчээ. Тэр үед Берлинд тулалдаан
үргэлжлэн, Рейхстагт фашистын тусгай анги, нэгтгэлийн хэсгүүд буудалцсаар байв.
Рейхстаг
дээр мандуулсан ЗХУ-ын туг нь нацизм бүрэн ялагдсаны бэлгэдэл болжээ. Ялагдсан
Германы нийслэлд улаан туг мандуулах санааг анх И.В.Сталин 1944 оны 11 дүгээр
сарын 6-нд болсон Октябрийн баярын хуралдаан дээр гаргаж байв. Улмаар уг
тугийг 1945 оны 6 дугаар сарын 24-нд Москвагийн Улаан талбайд болсон Ялалтын
баярын парадад Берлинээс авчран мандуулжээ.
