МИАТ-ийн онгоц Сөүл рүү өдөр бүр нислэг үйлдэнэ
МОНГОЛЫН МЭДЭЭҮндэсний агаарын тээвэрлэгч МИАТ ХК БНСУ-ын нийслэл Сөүл хот руу өдөр бүр нислэг үйлдэхээр боллоо.
Тодруулбал, энэ сарын хоёр дахь долоо хоног буюу энэ сарын 9-ний өдрөөс эхлэх юм.
Дашрамд дурдахад, МИАТ ХК-иар зорчигчиддоо хялбар, түргэн шуурхай, цогц үйлчлэх зорилгоор Сөүл хотын Кангнам дүүрэгт байрладаг City Airport агенттай хамтран ажиллаж байна.
Зорчигчид City Airport агентийн 1 дүгээр давхарт байрлах Бүртгэлийн цэгт бүртгүүлэн, тээшээ өгч, суугчийн талоноо аваад, 2 дугаар давхарт байрлах Хилийн шалган нэвтрүүлэх цэгт гадаад паспортоо шалгуулан хил нэвтрэх тамга даруулаад тусгай автобусаар шууд Инчён Олон улсын нисэх буудалд хүрэх юм.