БНСУ-д 2500 гаруй тоглолт, үзэсгэлэн цуцлагджээ
ДЭЛХИЙН МЭДЭЭ | СОЁЛ УРЛАГСӨҮЛ. /Yonhap/. БНСУ-д шинэ коронавирусний халдварын улмаас энэ оны эхний дөрвөн сарын хугацаанд урлагийн 2500 гаруй тоглолт, үзэсгэлэн цуцлагдсан гэж тус улсын Урлаг, соёлын газраас өнөөдөр мэдээлжээ.
Уг байгууллагын
тайланд дурдсанаар, 2020 оны 1-4 дүгээр
сард урлагийн 2511 арга хэмжээг цуцалснаар 52.3 тэрбум вонтой /42 сая ам.доллар/ тэнцэх хохирол учирчээ.
Мөн Урлаг, соёлын газраас энэ сарын 9-12-нд явуулсан судалгааны дүнгээс үзэхэд, дээр дурдсан хугацаанд БНСУ-ын арван уран бүтээлч тутмын есийн орлого буурчээ. Уг судалгаанд оролцсон уран бүтээлчдийн 89 орчим хувийнх нь орлого өмнөх оны мөн үеийнхээс буурсан байжээ.