Хятадаас гадна коронавирусээр халдварласан хүний тоо 10 мянга давжээ

ДЭЛХИЙН МЭДЭЭ | ЭРҮҮЛ МЭНД
Jargal.d@montsame.mn
2020-03-04 09:20:00

МОСКВА. /RIA Novosti/. БНХАУ-аас гадна коронавирусээр халдварласан хүний тоо 10 мянга давлаа гэж Дэлхийн эрүүл мэндийн байгууллага /ДЭМБ/ мэдээллээ.


ДЭМБ-ын цахим хуудсанд гарсан мэдээллээс үзвэл, сүүлийн 24 цагийн хугацаанд БНХАУ-аас гадна халдвар авсан 1792 шинэ тохиолдол илэрч, тус улсаас гадна халдвар авсан нийт хүний тоо 10 566-д хүрсэн бол 166 хүн нас баржээ /37 хоногийн хугацаанд/.


Вирусний халдвар Португал, Саудын Араб, Тунис, Марокко, Латви, Андорра, Иордан, Сенегал гэсэн найман улсад шинээр бүртгэгджээ. ДЭМБ-ын хамгийн сүүлийн мэдээллээр, БНХАУ-д халдвар авсан хүний тоо 80304 болж, 2946 хүн нас барсан байна. Дэлхий даяар коронавирусний халдвар авсан нийт хүний тоо 90 870 болжээ.


Холбоотой мэдээ