Улсын хэмжээнд 70 сая толгой мал хаваржиж байна

Монголын мэдээ | Нийгэм
192@montsame.mn
2020-02-27 18:56:21

Улаанбаатар /МОНЦАМЭ/. Улсын хэмжээнд өнөөгийн байдлаар 70 сая гаруй толгой мал хаваржиж байна. Үүнээс 30.9 сая нь энэ хавар төллөнө гэж ХХААХҮЯ-наас мэдээллээ. 

Мөн Булган, Төв, Архангай зэрэг аймгийн отрын бүс нутгийг чөлөөлж 3 дугаар сарын 1 гэхэд өөр аймаг, сумын малчдыг буцаахаар боллоо. 

Энэ намар, өвөл хамгийн их отрын мал хүлээн авсан нь Булган аймаг бөгөөд тус аймгийн Рашаант сумаас гадна Гурванбулаг, Сайхан, Могод зэрэг 5-6 суманд Дундговь, Өвөрхангай, Төв, Архангай зэрэг аймгийн нутгаас малчид оторлоод байгаа юм. Энэ бүс нутагт отрын малыг чөлөөлөхгүй бол энэ хавар бэлчээрийн даац муудаж, хэтрэхээр байна гэж ХХААХҮЯ-ны Мал аж ахуйн хөгжлийн бодлого, зохицуулалын газрын дарга Д.Батмөнх хэлж байна. 

Хаваржилт хүндрэх төлөвтэй байгаа зарим аймагт улсын нөөцөөс 1.9 тэрбум төгрөгийн өвс, тэжээл олгохоор болжээ. 


Б.Болд

Гэрэл зургийг Н.Батбаяр


Холбоотой мэдээ