Олимпын наадмын галт бамбарыг ирэх сард Японд авчирна

ДЭЛХИЙН МЭДЭЭ | СПОРТ
khulan@montsame.gov.mn
2020-02-21 12:27:53

ТОКИО. /NHK/.  Японы нийслэл Токио хотноо энэ онд болох Олимпын наадмын галт бамбарыг ирэх гуравдугаар сард авчрах үеэр тус улсын акробат нислэгийн баг үзүүлбэр үзүүлнэ гэж Токиогийн Олимпыг зохион байгуулагчид пүрэв гарагт мэдээлжээ.


Ирэх гуравдугаар сарын 20-нд болох Олимпын наадмын галт бамбарыг хүлээн авах ёслолын үеэр Олимпын бэлгэ тэмдэг болох таван өнгийн цагаригийг Өөрийгөө хамгаалах хүчний алба хаагчид өнгө өнгийн утаагаар тэнгэрт дүрслэх ажээ.


Грекийн Олимпиа хотод гуравдугаар сарын 12-нд асаах галт бамбарыг эхлээд Мияги мужийн Мацүшима цэргийн баазад авчрах бөгөөд энэхүү үйл ажиллагаанд 2004 оны Афины Олимпоос алтан медаль хүртсэн Тадахиро Номүра, Саори Ёшида нар оролцоно. 

Холбоотой мэдээ