Улаанбаатар
“Грассрүүтс”-ийн элчээр 17 хөлбөмбөгчийг өргөмжлөв
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Монголын хөлбөмбөгийн "Үндэсний шигшээ багийн өдөр”-ийг тохиолдуулан нийгмийн хариуцлагын хүрээнд МХБХ-ноос “Грассрүүтс”-ийн элч хөлбөмбөгчдийг тодруулан энгэрийн тэмдэг, үнэмлэх гардуулсан талаар тус холбооноос мэдээллээ.
Монголын шигшээ баг ДАШТ-ний урьдчилсан шатнаас анхны оноогоо авсан өдөр болох хоёрдугаар сарын 19-нийг “Үндэсний шигшээ багийн өдөр” болгон тэмдэглээд гурван жил болж байна. 2001 оны хоёрдугаар сарын 19-нд манай үндэсний шигшээ баг Бангладештай 2:2-оор тэнцэж, ДАШТ-ний урьдчилсан шатны эрхийн төлөөх тэмцээнээс анхны оноогоо авсан юм.
“Грассрүүтс”-ийн элч хөлбөмбөгчөөр: Б.Буман-Учрал, Д.Лүмбэнгарав, И.Отгонбаяр, С.Баатарсүрэн,
П.Алтантулга, А.Эрдэнэбаяр, Э.Ганзориг, А.Алтантуяа, Н.Цэдэнбал, Н.Наранболд,
Б.Хаш-Эрдэнэ, Б.Төгсбилэг, Г.Билгүүн, Б.Ариунболд, О.Мөнх-Оргил, Б.Даваажав,
Г.Төгөлдөр нарыг өргөмжилсөн байна.
Элч хөлбөмбөгчдийн анхны ажил “Би шигшээ багтайгаа
хамт” гар зургийн уралдааны ялагчийг тодруулсан сонирхолтой, содон үйл явдал байв.
