Цастай ч зам даваа хаагдаагүй байна
ОРОН НУТГИЙН МЭДЭЭ | АРХАНГАЙАрхангай /МОНЦАМЭ/. Архангай аймагт энэ сарын 12, 13-ны өдрүүдэд цас орсон. Өнөөдрийн14:00 цагийн байдлаар тэнгэр цэлмэг, салхи тогтуун, бүх чиглэлд зам даваа саадгүй байгааг аймгийн “АЗЗА” ТӨХК-аас мэдээлэв.
“АЗЗА” компанийн ажилчид А0603
дугаартай Цэцэрлэг-Тосонцэнгэл чиглэлийн авто замын 0,0-7 км-т зорчих хэсэгт тогтсон
цасыг автогрейдерээр хусах, замын хөвөөнд байрлуулсан овоолгоноос үнс шаарга
цацах ажлыг хийжээ.
Мөн А0602 дугаартай Хархорин-Цэцэрлэг
чиглэлийн автозамын 102-120 км-т автогрейдерээр зорчих хэсгийн цасыг хуссан ба
одоо Донгойн А0603 дугаартай Цэцэрлэг-Тосонцэнгэл чиглэлийн автозамын 90-100
км-т зорчих хэсэгт тогтсон цасыг автогрейдерээр хусах, халтиргаа гулгаатай
хэсэгт давс цацах ажлыг хийж байна.