Улаанбаатар
Их Британи ЕХ-г орхивол АНУ-Их Британийн худалдааны хэлэлцээ сунжирна гэв
ДЭЛХИЙН МЭДЭЭ | УЛС ТӨРЛОНДОН. /BBC/. Их Британи Европын Холбоог /ЕХ/ орхивол АНУ-Их Британи хоорондын худалдааны гэрээний тухай хэлэлцээ 10 жил хүртэл сунжирч болзошгүй гэж АНУ-ын Ерөнхийлөгч Барак Обама мэдэгдэв.
Тэрбээр бид ямар нэг үр дүнд хүрэхэд 5-10 жил ч болж магадгүй гэж “ВВС”-д ярилцлага өгөхдөө дурджээ. Мөн тэрбээр, “Их Британи АНУ-тай ямар нэг хэлэлцээ хийхдээ ЕХ-ноос илүү хурдан байх боломжгүй. Манай хамгийн том худалдааны түнш болох Европын зах зээлтэй худалдааны гэрээ байгуулах тухай хэлэлцээг хийх хүсэл зорилгоо бид орхихгүй” гэж мэдэгдсэн байна.
Их Британи ЕХ-ноос гарвал АНУ-тай байгуулах худалдааны хэлэлцээрийн дарааллаас ухрах болно гэж Обама мэдэгджээ. Түүний ингэж мэдэгдсэн нь ЕХ-ноос тусгаарлах хүсэлтэй байгаа хүмүүсийн дургүйцлийг төрүүлсэн байна. Үүнтэй холбогдуулан Лондон хотын захирагч Борис Жонсон тэднийг хоёр нүүртэй гэжээ.
Д.Нямтулга
