“Samsung” ухаалаг гар утсанд зориулсан компьютерын гар бүтээжээ

Дэлхийд | Шинжлэх ухаан
khulan@montsame.gov.mn
2020-01-10 12:00:38

ЛАС-ВЕГАС. /AP/. БНСУ-ын “Samsung” компани ухаалаг гар утас хэрэглэгчдэд зориулан “үл үзэгдэгч” компьютерын гар хөгжүүлсэн байна.


SelfieType” программ хангамж нь гар утасны урд камерын тусламжтайгаар хэрэглэгчдийн хуруунуудыг таньж, “Qwerty” товчлууруудын хаана дарахаас хамааран бичвэр бичих боломжийг олгох ажээ. Ухаалаг гар утсаар текст шивэхэд товчлуурын хэмжээ жижиг тул зарим тохиолдолд хүндрэл учирдаг бол “үл үзэгдэгч” компьютерын гар уг асуудлыг шийдэх гэнэ.


Samsung” энэхүү шинэ технологийнхоо талаар энэ долоо хоногийн мягмар гарагт АНУ-ын Невада муж улсын Лас-Вегас хотноо эхэлсэн Хэрэглээний цахилгаан барааны үзэсгэлэнгийн /CES/ үеэр танилцуулсан байна. Уг үзэсгэлэн энэ сарын 7-10-нд үргэлжилнэ.



Холбоотой мэдээ