Улаанбаатар
Тайландын дэлгүүрүүд гялгар уутаар үйлчлэхээ больжээ
ДЭЛХИЙН МЭДЭЭ | БАЙГАЛЬ ОРЧИН
БАНГКОК. /Reuters/.
Тайландын Засгийн газраас хэрэгжүүлж буй хуванцар хаягдлыг
бууруулах кампанит ажлын хүрээнд тус улсын жижиглэн худалдааны томоохон
компаниуд лхагва гарагаас гялгар уутаар үйлчлэхээ зогсоосон байна.
Их дэлгүүрүүд, супермаркетууд зэрэг багтсан 95 компанийн 25 мянга орчим дэлгүүр нэг удаагийн хэрэглээний
гялгар уутыг хэрэглэгчдэд тараахаа зогсоожээ. Бангкок хотын томоохон
дэлгүүрүүдээр үйлчлүүлэгч зарим иргэн өөрсдийн уутаа авчран үйлчлүүлж байсан
бол зарим нь 20-оос бага центийн үнэтэй, дахин хэрэглэх боломжтой уутнуудыг худалдан
авжээ.
Тайландад жил тутам 45 тэрбум гялгар уут хэрэглэгддэгийн улмаас байгаль орчинд ноцтой хохирол учирч байгаатай холбоотойгоор Засгийн газар энэ төрлийн уутны хэрэглээнээс татгалзахыг ард иргэддээ уриалж байгаа ажээ. Мөн Тайландад хуванцар хаягдлаас үүдэлтэй далайн бохирдол тулгамдсан асуудлуудын нэг болсон бөгөөд далайн амьтад санамсаргүйгээр хуванцар хаягдал идсэний улмаас үхсэн олон тохиолдол бүртгэгдсэн байна.
