“Star Wars”-ийн цуврал 176 сая ам.долларын орлого олжээ

ДЭЛХИЙН МЭДЭЭ | СОЁЛ УРЛАГ
yesukheitumur@montsame.gov.mn
2019-12-23 16:09:14
Yesukheitumur Tumurbaatar

НЬЮ ЙОРК. /Variety/. АНУ-ын “Lucasfilm” компанийн бүтээл “Star Wars”-ийн ес дэх цуврал шүүмжлэгчдээс тааруухан үнэлгээ авсан хэдий ч кино урлагийн зах зээлд байр сууриа хүчтэй хадгалсан хэвээр байна.


“The Rise of Skywalker” уран сайхны кино өнгөрсөн долоо хоногт Хойд Америкийн зах зээлээс 176 сая ам.долларын орлого олсон бол олон улсын зах зээлээс 374 сая ам.долларын орлого олжээ.


Гэвч нээлтээ хийсэн долоо хоногтоо дотоод дахь тасалбарын борлуулалт өмнөх хоёр бүтээлийн хэмжээнд хүрээгүй байна. 2017 онд гарсан “The Last Jedi” уран сайхны кино нээлтээ хийсэн эхний долоо хоногтоо 220 сая ам.доллар, 2015 он гарсан “The Force Awakens” бүтээл 248 сая ам.долларын орлого олж байжээ.

Холбоотой мэдээ