Шүүгчид нэр дэвшигчдийг цахимд байрлууллаа

МОНГОЛЫН МЭДЭЭ | ХУУЛЬ
batsaikhan@montsame.mn
2016-03-31 15:30:10

Шүүхийн ерөнхий зөвлөлийн даргын тушаалаар  шүүгчийн сул орон тоонд сонгон шалгаруулалт зарлаад байгаа. Харин дээрх сул орон тоонд нэр дэвшигчдийн танилцуулгыг www.judcouncil.mnцахим хуудсанд байршуулсан байна. 

Шүүгчийн эрх зүйн байдлын тухай хуулийн 11 дүгээр зүйлийн 11.6 дахь хэсэгт заасны дагуу нэр дэвшигчийн талаар хуульд заасан шаардлага хангасан хэлбэрээр мэдээллийг Шүүхийн мэргэшлийн хорооны Ажлын албанд ирүүлэх боломжтой болсныг мөн мэдэгдэж байна.
Сонгон шалгаруулалт зарласан сул орон тоо:
1. Өвөрхангай аймаг дахь Сум дундын Иргэний хэргийн анхан шатны шүүхийн Ерөнхий шүүгчийн;
2. Хэнтий аймаг дахь Сум дундын Иргэний хэргийн анхан шатны шүүхийн Ерөнхий шүүгчийн;
3. Орхон аймаг дахь Сум дундын Эрүүгийн хэргийн анхан шатны шүүхийн Ерөнхий шүүгчийн;
4. Өмнөговь аймгийн Ханбогд сум дахь Сум дундын шүүхийн Ерөнхий шүүгчийн;
5. Баян-Өлгий, Увс, Ховд аймгийн Иргэний хэргийн давж заалдах шатны шүүхийн шүүгчийн;
6. Нийслэлийн Эрүүгийн хэргийн давж заалдах шатны шүүхийн шүүгчийн; 
7. Нийслэл дэх Захиргааны хэргийн анхан шатны шүүхийн шүүгчийн;
8. Баянгол, Хан-Уул, Сонгинохайрхан дүүргийн Иргэний хэргийн анхан шатны шүүхийн шүүгчийн;
9. Увс аймаг дахь Сум дундын Эрүүгийн хэргийн анхан шатны шүүхийн шүүгчийн; 
10. Завхан аймгийн Тосонцэнгэл сум дахь Сум дундын шүүхийн шүүгчийн

Энэхүү мэдээллийг Шүүхийн мэргэшлийн хорооны ажлы налбанаас өглөө.

Ж.Батсайхан

Холбоотой мэдээ