"Евровидение - 2019"-д Нидерландын иргэн түрүүлжээ
ДЭЛХИЙН МЭДЭЭ | СОЁЛ УРЛАГТЕЛЬ-АВИВ. /ТАСС/.
Өнгөрсөн ням гарагийн орой Израилийн Тель-Авив хотод
болсон “Евровидение-2019” уралдааны шувтаргын тоглолтод Нидерландын оролцогч түрүүлжээ. Уралдаанд “Arcade” хэмээх дуугаар оролцсон Дункан Лоуренс 492 оноо авсан
байна.
Тэгвэл энэ оны "Евровидении - 2019"-д Италийн иргэн Махмуд 465 оноогоор хоёрдугаар байрт оржээ. Харин Оросын иргэн
Сергей Лазарев “Scream” хэмээх дуугаар оролцон, 369 оноо авч, 3 дугаар байрыг
эзэлсэн байна.
Шувтаргын тоглолтод 26 орны уран бүтээлчид оролцсон байна. Үзэгчид болон оролцогч орнуудын мэргэжлийн шүүгчдийн нийлбэр оноогоор ялагчийг тодруулжээ.