Колумбид хөрсний гулгалт үүсжээ

ДЭЛХИЙН МЭДЭЭ | БАЙГАЛЬ ОРЧИН
khulan@montsame.gov.mn
2019-04-22 11:43:19

БОГОТА. /Xinhua/. Колумбийн баруун өмнөд нутагт хүчтэй аадар бороо олон хоног үргэлжлэн орсноос үүдэлтэй хөрсний гулгалтын улмаас 17 хүн амиа алдсан байна.


Каука бүс нутгийн Росас тосгонд өөр бусад таван хүн гэмтэж, хэд хэдэн байшин барилга сүйджээ. Холбогдох албаны ажилтнууд барилгын нурангид эрэн хайх ажиллагааг үргэлжлүүлсээр байна. Латин Америкийн энэ оронд жил тутам борооны улирлын үеэр хөрсний гулгалт түгээмэл үүсдэг аж.


Колумбийн Ерөнхийлөгч Иван Дуке ням гарагт Росас тосгонд очиж, нөхцөл байдалтай биечлэн танилцжээ. Тэрбээр сэтгүүлчдэд мэдээлэхдээ, байгалийн гамшигт үзэгдэлд нэрвэгдсэн иргэдийг эмнэлгийн тусламж болон орон байраар хангах чиглэлд ажиллана гэжээ.


“Хүнд хэцүү цаг үе тохиож байгаа хэдий ч улс орноороо нэгдмэл байж, байгалийн гамшигт нэрвэгдсэн иргэдэд туслалцаа дэмжлэг үзүүлэх болно” гэж И.Дуке “Твиттер” хуудсаараа дамжуулан мэдэгджээ. 

Холбоотой мэдээ