Ази, Номхон далайн эдийн засаг, нийгмийн комиссын чуулганыг Д.Цогтбаатар сайд даргална

Монголын мэдээ | Улс төр
ariunbold@montsame.mn
2019-03-23 14:48:38

Улаанбаатар /МОНЦАМЭ/. НҮБ-ын Ази, Номхон далайн эдийн засаг, нийгмийн комиссын 75 дугаар чуулганы даргаар Гадаад харилцааны сайд Д.Цогтбаатар сонгогдов.


Тайланд улсын нийслэл Бангкок хотноо энэ оны тавдугаар сарын 27-31-нд болох энэ удаагийн чуулган “Иргэдийг чадавхжуулах нь; оролцоо, тэгш байдлыг хангах нь” сэдвийн хүрээнд болох юм.  Ази, Номхон далайн эдийн засаг, нийгмийн комисс нь бүс нутгийн тогтвортой хөгжлийг дэмжих чиглэлээр ажилладаг НҮБ-ын бүтэц бөгөөд энэ удаагийн чуулганы үеэр ахлах албан тушаалтнуудын уулзалт, сайд нарын түвшний хуралдаан болох аж.


Ийнхүү Монгол Улс 20 жилийн дараа тус байгууллагын чуулганы даргаар сонгогдон ажиллахаар боллоо.

Холбоотой мэдээ