Улаанбаатар
Орон нутгийн хөгжлийн санд иргэдийн оролцоог нэмэгдүүлнэ
ОРОН НУТГИЙН МЭДЭЭ | АРХАНГАЙ
Архангай /МОНЦАМЭ/. Багийн Засаг дарга, багийн Иргэдийн нийтийн хурлын дарга, сумын орон нутгийн хөгжлийн сангийн ажлын хэсгийн гишүүдийг чадавхжуулах “Орон нутгийн хөгжлийн сангийн гарын авлагын 1,2 дугаар бүлгүүд” сэдэвт сургалтыг 03 дугаар сарын 11-21-ний өдөр зохион байгууллаа.
“Тогтвортой амьжиргаа-3” төслийн чадавх бэхжүүлэх үйл ажиллагааны хүрээнд Удирдлагын академитай хамтран Орон нутгийн хөгжлийн сангийн үйл ажиллагааг дэмжих зорилготойгоор гарын авлагыг боловсруулсан. Энэхүү гарын авлагын 1, 2 дугаар бүлгүүд буюу “Орон нутгийн хөгжлийн санг иргэдийн оролцоотой төлөвлөх, хөрөнгө оруулалтын төслийн үнэлгээ болон тэргүүлэх чиглэлээр эрэмбэлэх, анхан шатны үнэлгээ хийх, мэдээллийг нягтлах, нэмэх, тэргүүлэх чиглэлийг тодорхойлох, орон нутгийн хөгжлийн сангийн хөрөнгөөр санхүүжүүлэх төслүүдийн жагсаалт бэлтгэх” гэсэн сэдвээр сургалтыг зохион байгуулсан.
Уг сургалт нь Дэлхийн банк болон
Швейцарын хөгжлийн агентлагийн санхүүжилтээр Сангийн яамны удирдлага дор
хэрэгжиж байгаа “Тогтвортой амьжиргаа-3” төслийн хүрээнд зохион байгуулсан
юм.
