“Эрдэнэт үйлдвэр” ХХК олон улсын зэрэгтэй гагнуурчин бэлтгэж байна

ОРОН НУТГИЙН МЭДЭЭ | ОРХОН
orkhon@montsame.mn
2019-03-19 09:28:15
oyuka_hu@yahoo.com

Орхон /МОНЦАМЭ/ “Эрдэнэт үйлдвэр ХХК-ийн Ерөнхий механикийн хэлтэс, Эрчим хүчний яамны Түлш, эрчим хүчний хөгжлийн төв хамтран уул уурхайн гагнуурчдын сургалтыг Орхон аймагт зохион байгуулж байна.

Сургалтын 80 хувь нь үйлдвэрлэлийн дадлага тул ур чадварыг сайн эзэмшиж олон улсад хүлээн зөвшөөрөгдөх боловсон хүчин бэлтгэгдэнэ гэж сургалтын багш нар нь үзэж байгаа ажээ. Гагнуурчид 14 хоногийн турш даралтат сав, хурдасгуурын шугам, шугам хоолой, металл хийц гагнах, сэргээн засварлах чадварт суралцах гэнэ. Сургалтад 50 гагнуурчин хамарч  байна.

“Эрдэнэт үйлдвэр” ХХК-д үндсэн 315, хосолмол мэргэжилтэй 500 гагнуурчин, 100 гаруй зүсэгч ажилладаг. Үндсэн гагнуурчдын дийлэнх нь ахмад настан тул залуу боловсон хүчин бэлтгэх зорилгоор дээрх сургалтыг зохион байгуулж байгаа юм.

 

Холбоотой мэдээ