Хүндийн өргөлтийн УАШТ ирэх долоо хоногт СТО-д болно

МОНГОЛЫН МЭДЭЭ | СПОРТ
dusem11@yahoo.com
2019-01-03 14:03:25

Улаанбаатар /МОНЦАМЭ/. Хүндийн өргөлтийн 2019 оны Монгол Улсын аварга шалгаруулах тэмцээн /УАШТ/ нэгдүгээр сарын 12-13-нд Спортын төв ордны Хүндийн өргөлтийн зааланд болно.


Монголын хүндийн өргөлтийн холбооноос зохион байгуулах энэ жилийн УАШТ нь эмэгтэйчүүдийн 49, 55, 59, 64, 71, -76, +76 кг жинд медальтнуудаа шалгаруулах бол эрэгтэй тамирчид 55, 61, 67, 73, 73, 81, -96, +96 кг жинд шилдгүүдээ тодруулах юм.


Энэ удаагийн УАШТ-ий гол зорилт нь шилдэг тамирчдын бэлтгэл сургуулилт ямар түвшинд байгааг сорих болон “Токио 2020” олимпийн наадамд оролцох боломжтой тамирчдыг сонгон шалгаруулах, цаашдын баг тамирчдын бэлтгэлийг чамбайруулахад оршино. Мөн шинэ залуу шилдэг тамирчдыг тодруулна.  

Холбоотой мэдээ