Пауэрлифтингийн аваргууд тодров
ОРОН НУТГИЙН МЭДЭЭ | АРХАНГАЙАрхангай /МОНЦАМЭ/. Архангай аймгийн Прокурорын газрын нэрэмжит хууль, хүчний байгууллагуудын дунд жил бүр зохион байгуулдаг “Пауэрлифтинг”-ийн аварга шалгаруулах тэмцээнийг аймгийн Пауэрлифтингийн холбоо, Биеийн тамир спортын газартай хамтран зохион байгууллаа.
Тэмцээнд 8 байгууллагын 40 гаруй тамирчин 5 жинд 66 багц медалийн төлөө өрсөлдсөнөөс 66 кг-ийн жинд Шүүхийн шүүх хуралдааны нарийн бичгийн дарга Б.Энхбаяр алтан медаль хүртсэн бол 74кг-ийн жинд Цагдаагийн газрын жижүүрийн офицер, дэслэгч Н.Зуунтай тэргүүлжээ.
Харин 83 кг-ийн жинд Цагдаагийн
газрын Нийтийн хэв журам хамгаалах тасгийн харуулын цагдаа, цагдаагийн ахлагч О.Батсуурь,
-93 кг-ийн жинд Цэнхэр сумын хэсгийн төлөөлөгч, цагдаагийн ахмад Э.Алтанбаатар,
+93 кг-ийн жинд Архангай аймаг дахь Цагдаагийн газрын Мөрдөн байцаах тасгийн мөрдөгч,
цагдаагийн дэслэгч У.Амгаланбаатар нар тус тус тэргүүллээ.