Оюутнууд улаанбурхнаар өвчлөх нь ихэсчээ

МОНГОЛЫН МЭДЭЭ | ЭРҮҮЛ МЭНД
boloroo8136@gmail.com
2015-12-22 17:05:03

Сүүлийн үед улаанбурхан өвчний өвчлөл нэмэгдэх хандлагатай байна. Ялангуяа 11 сар хүртэлх насны хүүхдүүд, 15-25 хүртэлх насны сурагчид болон оюутнууд илүүтэй өвчилж байна хэмээн ХӨСҮТ-өөс мэдээллээ.

 Өвчилсөн сурагч, оюутнууд хичээл таслахгүйн тулд хичээлдээ явсаар өвчнөө хүндрүүлэх, бусдад халдаах, өвчилсөн нэгнээ эргэх явцдаа халдвар авч өвчлөх тохиолдол гарч байна. 

Иймээс бага насны хүүхдийг гадуур авч явахгүй, гэртээ дулаан байлгаж, асаргаа сувилгааг сайжруулах, халуурах, нус гоожих, нүд улайж нуухтах, арьсан дээр жижиг гүвдүүт тууралт гарах зэрэг шинж тэмдэг илэрвэл харьяа Өрхийн эмчдээ хандаж үзүүлэхийг ХӨСҮТ-өөс анхааруулж байна.  Улаанбурхнаар өвчилсөн сурагч, оюутнууд өвчний шинж тэмдэг илэрснээс хойш 14 хоног гэрийн нөхцөлд хэвтрийн дэглэм баримтлах, улаанбурхны хөнгөн хэлбэрийг өрхийн эмчийн хяналт, зөвлөмжөөр гэрээр эмчилж эдгэрүүлж болно. 

ХӨСҮТ-ийн хүлээн авах тасгаар олон хүмүүс үйлчлүүлж, дараалал үүсгэн, бусад халдварт өвчтэй хүнтэй хавьтал болох эрсдэлтэй тул иргэдийг эхлээд харьяа өрхийн эмчдээ үзүүлж, зөвлөгөө авах нь зүйтэй байна хэмээн тус төвөөс мэдээллээ.

Ж.Болор

Холбоотой мэдээ