Төл малыг вакцинжуулах ажил ирэх сарын нэгэнд дуусна

ОРОН НУТГИЙН МЭДЭЭ | ДАРХАН-УУЛ
erdenechimeg@montsame.mn
2015-09-14 00:40:28

Дархан-Уул аймгийн Хүнс, Хөдөө аж ахуйн газрын Мал Эмнэлгийн хэлтэсээс эрхлэн тус аймгийн мал, амьтадыг халдварт өвчнөөс урьдчилан сэргийлэх ажлыг үргэлжлүүлэн хийж байна.

Энэ сарын 10-ны байдлаар аймгийн хэмжээгээр 275,4 мянган толгой малд угаалга, 310.4 мянган толгой малд туулгалт хийжээ. Мөн малыг бруцеллёзын шинжилгээнд хамруулсан бол өвөлжөө хашааны ариутгал халдваргүйжүүлэлтэд нийт 1685 өвөлжөө, хашааны 195,8 мянган мкв талбайд ариутгал хийсэн дүн гарчээ. Одоогийн байдлаар бруцеллёзын вакцин тараагдаж нийт 11 мянган тугал, 114 мянган хурга, ишгэнд хийхээс 6.5 мянган тугал, 78,4 мянган хурга, ишгэнд хийгээд байгаа бол ирэх сарын нэгэн гэхэд  бүрэн вакцинжуулж дуусах юм байна. Аймгийн ХХААГ-ын Мал Эмнэлгийн хэлтсийн дарга Х.Хавсамет:-“Намрын урьдчилан сэргийлэх тарилгын ажил үргэлжилж эдгээр арга хэмжээний үр дүнд одоогийн байдлаар тус аймагт малын байгалын голомтот халдварт өвчин гараагүй тайван байна. Харин эдгээр тарилгын ажил хийж гүйцэтгэсэн орон нутгийн хувийн хэвшлийн мал эмнэлгийн нэгжүүдэд олгох үйлчилгээний хөлсний санхүүжилтийг төсвөөс олгож чадаагүй байгаа нь анхан шатны мал эмнэлгийн нэгжүүдийн дараа дараагийн ажилд хүндрэл учруулж байна” гэв.

                                                                                                                                                        Б.Норовсамбуу

関連ニュース
コメント