Эх орончдын өдөрт зориулсан барилдаанд аймгийн арслан М.Еркебулан түрүүлэв

ОРОН НУТГИЙН МЭДЭЭ | БАЯН-ӨЛГИЙ
bayanulgii@montsame.gov.mn
2018-03-01 23:12:54

Баян-Өлгий /МОНЦАМЭ/. Баян-Өлгий аймгийн Засаг даргын Тамгын газраас "Эх орончдын өдөр"-ийг тохиолдуулан өнөөдөр Өлгий хотын Спорт цогцолборт үндэсний бөхийн барилдаан зохион байгууллаа. 

Барилдаанд нийтдээ 32 бөх хүч үзэн зодоглосноос тус аймгийн Алтай сумын харьяат, "Өлгийн хүчтэн" дэвжээний бөх аймгийн арслан М.Еркебулан тав даван түрүүлж, Цэнгэл сумын харьяат бөх аймгийн заан М.Аманбек үзүүрлэлээ. Мөн Алтай сумын харьяат аймгийн заан С.Бат-Үүл, сумын заан Б.Сундуй нар шөвгөрсөн байна. 

Аймгийн Засаг дарга А.Гылымхан, Засаг даргын орлогч Ш.Хавал нар түрүүлж, үзүүрлэсэн болон шөвгөрсөн бөхчүүдэд баяр хүргэж, шагнал гардууллаа. 

Ө.Нурболат

Холбоотой мэдээ