Улаанбаатар
Атакама цөлд байсан бичил организмуудыг илрүүлжээ
ДЭЛХИЙН МЭДЭЭ | ШИНЖЛЭХ УХААН
НЬЮ-ЙОРК. /ТАСС/. Манай гараг дээрх хамгийн хуурай газар болох Чилийн Атакама цөлд хэдэн жилийн туршид амьдрах чадвартай бичил организмууд байсныг АНУ-ын Вашингтон муж улсын их сургуулийн эрдэмтэд илрүүлсэн байна.
Дирк Шульце-Макух тэргүүтэй судлаачдын үзэж байгаагаар, Ангараг гараг дээрх байгалийн нөхцөл нь Атакама цөлийнхтэй адил учраас тус гарагийн хөрсөн дор амьдрал байх магадлалтай аж.
Шульце-Макух багийнхны хамт 2015 онд Атакама цөлд анх удаа очих үед туйлын ховор үзэгдэл болж, бороо орсон байна. Судлаачид янз бүрийн гүнээс хөрсний дээж авах үед хэд хэдэн идэвхтэй бичил организмууд олджээ. Тэд үүнээс хойш хоёр жилийн дараа цөлд эргэн ирэхэд дээрх организмууд амилсан байж.
Судалгаанд дурдсанаар, Ангараг гараг бол Атакама цөлийн илүү хуурай, илүү хүйтэн хувилбар гэж үзэх хэрэгтэй аж. Гэхдээ тус гараг дээр дандаа ийм байгаагүй гэнэ. Хэдэн тэрбум жилийн өмнө Ангараг гараг дээр тэнгис далай цалгиж байсан аж. “Хэрвээ хэзээ нэгэн цагт Ангараг дээр амьдрал байсан бол тус гарагийн маш хуурай гадаргуу дор амьд организм байх магадлалтай” гэж судалгааны багийн удирдагч ярилаа.
Энэ 3 дугаар сард Шульце-Макух Атакама цөлд дахин очиж, нээн илрүүлсэн бичил организмуудаа гүнзгийрүүлэн судлах аж. Дараа нь тэд Антарктид тивд шинэ төрлийн бактери байгаа эсэхийг илрүүлэхээр төлөвлөжээ.
Дирк Шульце-Макух тэргүүтэй судлаачдын үзэж байгаагаар, Ангараг гараг дээрх байгалийн нөхцөл нь Атакама цөлийнхтэй адил учраас тус гарагийн хөрсөн дор амьдрал байх магадлалтай аж.
Шульце-Макух багийнхны хамт 2015 онд Атакама цөлд анх удаа очих үед туйлын ховор үзэгдэл болж, бороо орсон байна. Судлаачид янз бүрийн гүнээс хөрсний дээж авах үед хэд хэдэн идэвхтэй бичил организмууд олджээ. Тэд үүнээс хойш хоёр жилийн дараа цөлд эргэн ирэхэд дээрх организмууд амилсан байж.
Судалгаанд дурдсанаар, Ангараг гараг бол Атакама цөлийн илүү хуурай, илүү хүйтэн хувилбар гэж үзэх хэрэгтэй аж. Гэхдээ тус гараг дээр дандаа ийм байгаагүй гэнэ. Хэдэн тэрбум жилийн өмнө Ангараг гараг дээр тэнгис далай цалгиж байсан аж. “Хэрвээ хэзээ нэгэн цагт Ангараг дээр амьдрал байсан бол тус гарагийн маш хуурай гадаргуу дор амьд организм байх магадлалтай” гэж судалгааны багийн удирдагч ярилаа.
Энэ 3 дугаар сард Шульце-Макух Атакама цөлд дахин очиж, нээн илрүүлсэн бичил организмуудаа гүнзгийрүүлэн судлах аж. Дараа нь тэд Антарктид тивд шинэ төрлийн бактери байгаа эсэхийг илрүүлэхээр төлөвлөжээ.
Э.Аянзаяа
