Улаанбаатар
Дэлхийн аварга шатарчин Д.Батсүрэн 9 дүгээр сарын шилдэг тамирчин болов
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Монголын үндэсний олимпийн хороо /МҮОХ/-ноос тодруулдаг "Сарын шилдэг тамирчин" шалгаруулалт болж, 2017 оны есдүгээр сарын ялагчаар шатарчин хүү Д.Батсүрэн тодорлоо.
Уругвай улсын Монтевидео хотноо болсон шатрын Дэлхийн өсвөрийн аварга шалгаруулах тэмцээнд 14 хүртэлх насны эрэгтэйчүүдийн ангилалд түрүүлсэн Дамбасүрэнгийн Батсүрэн санал асуулгын дүнгээр олонхийн санал авч шилдэг тамирчин болов. Тэрбээр нийт 53 орны 400 гаруй тамирчин оролцсон ДӨАШТ-д түрүүлсэн Монгол Улсын түүхэн дахь анхны эрэгтэй шатарчин болж байна. 1974 оноос эхтэй тус тэмцээнд домогт шатарчид болох Г.Каспаров, В.Крамник, Ю.Полгар нар түрүүлж, агуу карьерынхаа эхлэлийг тавьж байв.
Харин шилдэг тамирчин шалгаруулалтын хоёрдугаар байрт 3x3 сагсан бөмбөгийн оюутны дэлхийн аваргаар тодорсон баг тодорсон бол гуравдугаар байрт өнгөрсөн сард чөлөөт бөхийн армийн дэлхийн аварга болсон П.Орхон удаалжээ.
"Сарын шилдэг тамирчин" шалгаруулах олон нийтийн санал асуулгад нийт 1500 гаруй хөгжөөн дэмжигч, спортын чиглэлээр дагнан ажиллаж буй сэтгүүлчдийн саналыг нэгтгэн дүгнэжээ.
Уругвай улсын Монтевидео хотноо болсон шатрын Дэлхийн өсвөрийн аварга шалгаруулах тэмцээнд 14 хүртэлх насны эрэгтэйчүүдийн ангилалд түрүүлсэн Дамбасүрэнгийн Батсүрэн санал асуулгын дүнгээр олонхийн санал авч шилдэг тамирчин болов. Тэрбээр нийт 53 орны 400 гаруй тамирчин оролцсон ДӨАШТ-д түрүүлсэн Монгол Улсын түүхэн дахь анхны эрэгтэй шатарчин болж байна. 1974 оноос эхтэй тус тэмцээнд домогт шатарчид болох Г.Каспаров, В.Крамник, Ю.Полгар нар түрүүлж, агуу карьерынхаа эхлэлийг тавьж байв.
Харин шилдэг тамирчин шалгаруулалтын хоёрдугаар байрт 3x3 сагсан бөмбөгийн оюутны дэлхийн аваргаар тодорсон баг тодорсон бол гуравдугаар байрт өнгөрсөн сард чөлөөт бөхийн армийн дэлхийн аварга болсон П.Орхон удаалжээ.
"Сарын шилдэг тамирчин" шалгаруулах олон нийтийн санал асуулгад нийт 1500 гаруй хөгжөөн дэмжигч, спортын чиглэлээр дагнан ажиллаж буй сэтгүүлчдийн саналыг нэгтгэн дүгнэжээ.
Д.Өлзий
