Улаанбаатар
Туркийн арми курдын 93 террористыг устгажээ
ДЭЛХИЙН МЭДЭЭ | НИЙГЭМ
АНКАРА. /Anadolu/. Туркийн зүүн нутагт явуулсан терроризмын эсрэг ажиллагааны явцад өнгөрсөн 11 хоногт Курдистаны ажилчны нам /PKK/-ын 93 террористыг устгалаа гэж Туркийн арми даваа гарагийн өглөө мэдэгджээ.
Туркийн армийн Жанжин штабын мэдэгдэлд дурдсанаар, уг цэргийн ажиллагааг 5 дугаар сарын 11-нээс 21-ний хооронд Сирнак, Хаккари, Диярбакир, Эрзарам, Ардахан, Бингол, Мас болон Хатей мужуудад явуулсан байна.
Ажиллагааны явцад алан хядагчдын 71 нуувчийг олж илрүүлэн устгаснаас гадна 313 винтов, 12 зенитийн их буу, 4 мэргэн буучийн винтов, 5 пуужин харвагч, 597 гранат болон 2 300 кг аммонийн нитрат, 30 кг тэсрэх бодисыг хураан авчээ.
Турк, АНУ болон ЕХ-ны зүгээс PKK-г террорист байгууллагын жагсаалтанд оруулснаас хойш аюулаас хамгаалах байгууллагын ажилтнууд болон энгийн иргэдийг оролцуулаад 1200 гаруй хүн амь үрэгдсэн байна.
Үүний сацуу Туркийн хилээр хууль бусаар нэвтрэхийг завдсан 8 755 хүнийг баривчилсан тухай Туркийн арми мэдэгджээ. Дээрх ажиллагааны үеэр Туркийн 7 туркийн цэрэг амь үрэгдэж, 27 хүн шархадсан байна.
Х.Сарнай
Холбоотой мэдээ
Монгол Улсын Ерөнхийлөгч У.Хүрэлсүх Бүгд Найрамдах Итали Улсад төрийн айлчлал хийхээр мордлоо
14 цаг
Засгийн газраас ирэх долоо хоногт Эдийн засгийн эрх чөлөөний тухай хуулийг УИХ-д өргөн барина
2 өдөр
