Төрийн албан хаагч "түрэмгий" зан гаргажээ
МОНГОЛЫН МЭДЭЭ | ХУУЛЬНийслэлийн татварын газрын тасгийн дарга Ш-хэмээгч нь өөрийн найз бүсгүйг хүйтэн зэвсэг ашиглан зэрэмдэглэсэн хэрэг гараад байгаа. Энэ хэргийг Чингэлтэй дүүргийн цагдаагийн хэлтэс шалгаж байна.
Хувийн харьцаанаас үүдэн Ш гэгч нь бүсгүйн гэрт айлын тагт дамжин орж, биеийг нь хутгаар сийчсэн хэргийг олон нийт зэвүүцэж байна. Хохирогч эмэгтэй өчигдөр хагалгаанд орж 20 гаруй оёдол тавиулжээ. Хэргийг үйлдсэн Ш-ийг цагдаагийн байгууллага баривчлан шалгаж байгаа ч хохирогч эмэгтэйгээс мэдүүлэг аваагүй байна. Учир нь хохирогч сэтгэлзүйн маш их дарамттай, мэдээлэл өгөх боломжгүй байгаа аж. Хэрэгт холбогдсон хоёр хайр сэтгэлийн холбоотой байсан, Ш-ийг эхнэртэйг нь мэдэн салъя гэсний улмаас уг хэрэг болсон гэх яриаг цагдаагийн мөрдөн шалгалтаар эцэслэнэ.
Ж.Батсайхан