Хятадын 10 иргэнийг Австралид баривчилжээ
ДЭЛХИЙН МЭДЭЭ | НИЙГЭМСИДНЕЙ. /AP/. Мансууруулах бодисыг хууль бусаар хил давуулсан хэргээр Хятадын 10 иргэн Австралид баривчлагдсан байна.
Албаныхны мэдээлснээр, тэдний сууж явсан завинд 60 гаруй сая австрали доллароор /44 сая ам.доллар/ үнэлэгдэх хэмжээний кокаиныг нуусан байсныг илрүүлсэн байна. Өнгөрсөн долоо хоногт Австралийн аюулаас хамгаалах хүчнийхэн Тасман арлын орчмоос өмнө нь судалгааны ажилд ашиглагдаж байсан 50 м урт хуучин хөлөг онгоцыг саатуулан Хобарт хотод авчирсан байна. Үүний дараагаар тэд уг хөлөг онгоцонд нэгжлэг хийснээр 186 кг кокаин илрүүлжээ.
Баривчлагдан саатуулагдаад байгаа хөлөг онгоцны багийн 10 гишүүн 23-50 насныхан байв.
Хэрэв тэд буруутай нь тогтоогдвол бүх насаараа шоронд хоригдох ялаар шийтгүүлэх юм.
Х.Сарнай