Улаанбаатар
"Эрдэнэт" үйлдвэрийн ерөнхий захирлаар Х.Бадамсүрэнг томиллоо
МОНГОЛЫН МЭДЭЭ
"Эрдэнэт" үйлдвэрийн ТУЗ хуралдаж, үйлдвэрийн ерөнхий захирлаар УИХ-ын гишүүн асан Х.Бадамсүрэнг томиллоо.
Тэрээр Уул уурхай, хүнд үйлдвэрийн дэд сайдаар ажиллаж буй юм. Х.Бадамсүрэн нь Төрийн албанд 32 жил ажилласан. Үүнээс улс төрийн албанд 4 жил ажиллажээ.
• 1980-1987 онд Геологи, уул уурхайн үйлдвэрийн яаманд Уул уурхайн хэлтсийн мэргэжилтэн, Уул уурхайн салбарын ерөнхий инженер бөгөөд Уул уурхайн үйлдвэрийн хэлтсийн дарга
• 1987-1989 онд Эрчим хүч, геологи, уул уурхайн үйлдвэрийн яаманд Уул уурхайн салбарын ерөнхий инженер бөгөөд Хамтарсан үйлдвэрийн хэлтсийн даргаар
• 1989-1994 онд Бор-Өндөрийн уулын баяжуулах үйлдвэрт Захирлын нэгдүгээр орлогч
• 1994-2006 онд Монгол-Оросын хамтарсан Монголросцветмет нэгдэлд Ерөнхий захирал
• 2007-2008 онд Үйлдвэр, худалдааны яаманд Геологи, уул уурхай, хүнд үйлдвэрийн газрын дарга
• 2008-2012 онд Улсын Их Хурлын гишүүнээр ажиллаж байсан.
• 2015 оноос Аж үйлдвэрийн яамны дэргэдэх Зэсийн баяжмал хайлуулах, цэвэршүүлэх үйлдвэрийн төслийн нэгжийн захирлаар ажиллаж байна.
Б.Заяа
