Улаанбаатар
Хилийн дөрвөн боомтоор хувийн автомашинаар нэвтрэх боломжтой болов
МОНГОЛЫН МЭДЭЭ | НИЙГЭМ
Улаанбаатар, 2024 оны гуравдугаар сарын 22 /МОНЦАМЭ/. Монгол
Улсын Замын-Үүд, Хавирга, Бичигт, Шивээхүрэн хилийн боомтоор иргэд 8-аас доош
суудалтай хувийн автомашинаараа хил нэвтрэх боломжтой боллоо.
Монгол-Хятадын хилийн Хавирга-Ар Хашаат боомтоор 8-аас доош
хүний суудалтай автомашиныг энэ оны гуравдугаар сарын 14-нөөс нэвтрүүлж эхэлсэн
юм. Мөн Бичигт-Зүүнхатавч боомтоор гуравдугаар сарын 21-ний өдрөөс мөн 8-аас
доош хүний суудалтай автомашиныг нэвтрүүлж эхлээд байна.
Замын-Үүд, Хавирга, Бичигт, Шивээхүрэн боомтоор хувийн автомашинаар хил нэвтрэх боломжтой болов.
Ингэхдээ эхний ээлжид тухайн хил орчмын бүс нутагт амьдарч байгаа иргэд өөрсдийн хувийн тээврийн хэрэгслээрээ нэвтрэх боломжтой аж. Цаашид БНХАУ-ын Шиньжан-Уйгарын өөртөө засах орны Өрөмчтэй хиллэж байгаа хилийн боомтоорр 8-аас доош хүний суудалтай автомашиныг нэвтрүүлэхийг шийдвэрлэхээр хэлэлцэж байгааг ЗТХЯ-наас мэдээллээ. Түүнээс гадна Замын-Үүд хилийн боомтоор хоёр талын холбогдох байгууллагууд мэдээлэл солилцож, 1100 орчим тээврийн хэрэгслээр иргэд хил хооронд зорчиж байна.
