Улаанбаатар
Гашуунсухайт-Ганцмод боомтын хил дамнасан төмөр замын барилгын ажлыг дөрөвдүгээр сард эхлүүлнэ
МОНГОЛЫН МЭДЭЭ | ЭДИЙН ЗАСАГ
Улаанбаатар, 2024 оны нэгдүгээр сарын 30 /МОНЦАМЭ/. Монгол Улсын Засгийн газрын “Шинэ сэргэлтийн бодлого”-ын Боомтын сэргэлтийн хүрээнд Гашуунсухайт-Ганцмод боомтын хил дамнасан төмөр замын бүтээн байгуулалтын ажлыг энэ оны дөрөвдүгээр сарын 30-ны өдрийн дотор эхлүүлэхийг Ерөнхий сайд даалгасан.
Тус ажлын хүрээнд “Тавантолгой төмөр зам” компанийн гүйцэтгэх захирал Н.Будбаяр, “Чайна Энержи групп” компанийн дэд захирал Кан Фэнвэй, Хятадын Үндэсний төмөр замын газрын дэд дарга Ан Лушень болон холбогдох албаны хүмүүс БНХАУ-ын Бээжин хотноо хуралдаж, Монгол, Хятадын “Гашуунсухайт-Ганцмод” хил дамнасан төмөр замын гүүрэн байгууламжийн бүтээн байгуулалтын ажлыг энэ оны дөрөвдүгээр сард багтаан эхлүүлэх ажлын явцын талаар санал солилцлоо.
Мөн хоёр
улсын хилээр нэвтрэх хяналт, шалгалтыг хурдасгах, шинэ технологи шийдлийг
нэвтрүүлэх ажлыг зураг төсөлд тусгаж ажиллах талаар ярилцсан байна.
