ТӨВ: “Эрүүл шүд-Эрүүл Зуунмодынхон” аян зохион байгуулна
ОРОН НУТГИЙН МЭДЭЭ | ТӨВЗуунмод, 2023 оны арваннэгдүгээр сарын 2 /МОНЦАМЭ/. “Эрүүл шүд-Эрүүл Зуунмодынхон” аяныг арваннэгдүгээр сарын 3-5--ны өдрүүдэд аймгийн Нэгдсэн эмнэлэгт зохион байгуулна.
Аяныг аймгийн ЗДТГ, Зуунмод сумын ЗДТГ, Эрүүл мэндийн
газар, Нэгдсэн
эмнэлэг, Өрхийн эрүүл мэндийн
төв, нийслэлийн “Шүд, эрүү нүүрний төв”-тэй хамтран хийж байгаа аж.
Тус аяны хүрээнд нийслэлийн “Шүд, эрүү нүүрний төв”-ийн
нарийн мэргэжлийн эмч, мэргэжилтнүүд Зуунмод сумын иргэдэд Шүд, эрүү нүүрний
нарийн мэргэжлийн тусламж үйлчилгээ үзүүлнэ.
11 дүгээр сарын
3-ны өдөр Урьдчилан сэргийлэх, үзлэг, зөвлөгөө хийх бол 4-ний өдөр урьдчилан сэргийлэх үзлэг, эмчилгээ, эрүү нүүрний гажиг заслын эмчийн үзлэг,
рентген оношилгоог
хийж, хиймэл шүдний хэв авахаар болов.
Мөн ням гарагт
буюу 5-ны өдөр урьдчилан сэргийлэх
үзлэг, зөвлөгөө, шүд ломбодох, шүд авах зэрэг
эмчилгээ үзүүлэх юм.
Уг үзлэг оношилгоонд хамрагдах иргэд 2019-2023 оны эрүүл мэндийн даатгалын шимтгэл төлсөн байх, 2023 онд эрүүл мэндийн даатгалаар 3 шүд эмчлүүлэх үйлчилгээ аваагүй байх шаардлагатай аж.