Улаанбаатар
Футзалын тусгай олимпын нөхөрсөг тэмцээн энэ сарын 27-нд болно
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Монголын хөлбөмбөгийн холбоо /МХБХ/ нь Монголын тусгай олимпын хороо /Special Olympics Mongolia/-той хамтын ажиллагааны хүрээнд, Нийтийн хөлбөмбөгийн төслийн дагуу 11 дүгээр сарын 27-нд нөхөрсөг тэмцээн зохион байгуулна.
Энэ өдөр Тусгай олимпын
тамирчдын нийт 4 багийн хооронд МХБХ-ны Футзалын ордонд нөхөрсөг тэмцээн зохион
явуулах юм байна.
Тусгай олимпын тамирчид
ирэх 2023 онд ХБНГУ-д зохион байгуулагдах дэлхийн тусгай олимпын наадмын
хөлбөмбөгийн төрөлд оролцох бөгөөд, шигшээ багийн тоглогчид уг нөхөрсөг
тэмцээнд оролцож бэлтгэл сургуулилтыг эрчимжүүлэх зорилготой.
Уг нөхөрсөг тэмцээн нь сүүлийн 3 жилийн хугацаанд жил бүр уламжлал болгон зохион байгуулагдаж байгаа юм.
