БАЯНХОНГОР: Төслийн хүрээнд хийсэн ажлуудад хяналт тавьж, зөвлөмж өглөө

ОРОН НУТАГТ | БАЯНХОНГОР
munkhzul@montsame.mn
2022-07-04 10:54:19

Баянхонгор /МОНЦАМЭ/. НҮБ-ын Хүүхдийн сангийн мэргэжилтнүүд “Орон нутгийн иргэдэд түшиглэсэн уур амьсгалын өөрчлөлтөд тэсвэртэй ус хангамж, ариун цэвэр, эрүүл ахуйн үйлчилгээ” төслийн хүрээнд хийсэн ажлуудад хяналт тавьж, заавар зөвлөмж өгч ажиллалаа. 

Тодруулбал, Баянхонгор сумын ундны усны эх үүсвэрийн гүний худаг, ундны усны эх үүсвэрийн халдваргүйжүүлэх төхөөрөмж, Түүх угсаатны зүй Байгалийн түүхийн музейн ариун цэврийн байгууламж, Эрдэнэмандал бага сургуулийн ариун цэврийн өрөөний засвар, Дуурсах 3-р багийн ухаалаг ус түгээх байр, Эрдэнэцогт сумын ундны усны гүний худаг, нийтийн халуун усны барилга болон хашаа тохижилтын ажилтай газар дээр нь үзэж танилцав. 

Мөн Нэгдсэн эмнэлгийн Хүүхдийн тасгийн эрчим хүчний зардлыг бууруулах, эрсдэлээс урьдчилан сэргийлэх зорилгоор нарны эрчим хүчний тоног төхөөрөмж суурилуулах боломжийн талаар судаллаа.

Холбоотой мэдээ