Бүсийн аварга шалгаруулах тэмцээнээс хоёр алтан медаль хүртэв
ОРОН НУТГИЙН МЭДЭЭ | БАЯН-ӨЛГИЙБаян-Өлгий /МОНЦАМЭ/. Говь-Алтай аймгийн Алтай хотод энэ сарын 22-ны өдөр болсон
«Хантайшир» бөхийн дэвжээний 20 жилийн ойн нэрэмжит өсвөрийн үндэсний бөхийн
Баруун бүсийн аварга шалгаруулах тэмцээнээс Баян-Өлгий аймгийн бөхчүүд 2 алтан
медаль хүртлээ.
Бүсийн аварга шалгаруулах барилдааныг 11-12, 13-14, 15-16 насны ангиллаар
зохион байгуулсан ба баруун 5 аймгаас 340 бөх оролцжээ.
Тус барилдаанд Баян-Өлгий аймгаас 13 бөх оролцсоноос Б.Тойгали 13-14 насны
ангилалд, С.Нуртилек 15-16 насны ангилалд тус тус алтан медаль хүртэв.
Аймгийн өсвөрийн бөхчүүдийг "Тастүлек" бөхийн дэвжээний дасгалжуулагч, аймгийн
начин С.Бахыт бэлтгэлийг нь хангуулж оролцуулсан байна.