Улаанбаатар
Монголын тэшүүрчид Дэлхийн цомын АШТ-д оролцож байна
МОНГОЛЫН МЭДЭЭ | СПОРТ
Улаанбаатар /МОНЦАМЭ/. АНУ-ын Юта мужийн Солт Лэйк хотноо Олон улсын тэшүүрийн холбоо /ISU/-ны Дэлхийн цомын аварга шалгаруулах тэмцээний энэ улирлын 3 дахь гараа энэ сарын 3-5-ны өдрүүдэд болж байгаа талаар тус хотоос спортын сэтгүүлч Ц.Энхтүвшин /Таван цагариг/ мэдээллээ.
"Бээжин
-2022" өвлийн олимпын эрхийн оноо
олгох энэхүү тэмцээнд 36 орны эрэгтэй 187, эмэгтэй 127 тэшүүрчин хурдаа сорьж
буй бөгөөд Монголын 2 "Ган хөлөгтөн" оролцож байна.
Эрэгтэй бөөн гараанд
манай тэшүүрчин 22 настай Зоригтбаатарын Ялалт өчигдөр уралдсан бол эмэгтэй
бөөн гараанд 26 нас тамирчин Алтан-Очирын Зул өнөөдөр /12.05/ хурдаа сорих юм.
Өвлийн 2002 оны Солт Лэйкийн олимпын тэшүүрийн тэмцээн болсон, олимп, дэлхийн олон рекорд тогтоогдож байсан түүхт Olympic Oval ордны мөсөн дээр Унгарын Шандор Лю Шаолинь, Холландын Сюзанне Шультинг, Ютта Лийрдам, Шведийн Нильс Ван дер Пул нарын олимп, дэлхийн аварга олон шилдэг тамирчид энд уралдаж байна.
