Иргэдийн хөгжлийн төв ашиглалтад орлоо

ОРОН НУТАГТ | ДОРНОГОВЬ
erdenebulgan@montsame.mn
2021-12-04 18:03:14

Дорноговь /МОНЦАМЭ/. Дорноговь аймгийн Сайншанд сумын гуравдугаар багт “Иргэдийн хөгжлийн төв”шинээр ашиглалтад орлоо.

Анхан шатны төрийн үйлчилгээг түргэн шуурхай хүргэх зорилгоор дээрх Иргэдийн хөгжлийн төвийг орон нутгийн төсвийн 393.0 сая төгрөгийн хөрөнгөөр барьж ашиглалтад оруулжээ.

Иргэдийн хөгжлийн төв ашиглалтад орсноор багийн ажлын алба, багийн Иргэдийн нийтийн хурлын танхим, Цагдаагийн хэсэг, Өрхийн эмнэлэг нэг дор байрлаж, 3500 иргэнд төрийн үйлчилгээг нэг цэгээс түргэн шуурхай, чанартай хүргэх боломж бүрдлээ гэж албаныхан онцлов.

Сайншанд сум найман багтай бөгөөд баг тус бүрд Иргэдийн хөгжлийн төвийг нэг зураг төслөөр жишиг байдлаар байгуулсан байна.  

Холбоотой мэдээ