СЗХ-ны зохицуулалттай хуулийн байгууллага, ААН-үүдийг тооллогод оролцохыг уриаллаа

МОНГОЛЫН МЭДЭЭ | ЭДИЙН ЗАСАГ
192@montsame.mn
2021-11-25 13:56:28

Улаанбаатар /МОНЦАМЭ/. Байгууллага, ААН-ийн ээлжит тооллого орон даяар явагдаж буйтай холбоотойгоор СЗХ-ноос тус хорооны зохицуулалтын хүрээнд хамаарагдах санхүүгийн болон санхүүгийн бус бизнес, мэргэжлийн үйлчилгээ үзүүлэгч хуулийн этгээдүүдийг тооллогод хамрагдан, хууль тогтоомжоор хүлээсэн үүргээ биелүүлж ажиллахыг уриаллаа. Тодруулбал, СЗХ-ны зохицуулалтад хамаарах үнэт цаас гаргагч болон үнэт цаасны зах зээлд оролцогч мэргэжлийн байгууллага, даатгагч болон даатгалын мэргэжлийн оролцогч, ББСБ, хадгаламж зээлийн хоршоо, үнэт металл, үнэт чулууны, эсхүл тэдгээрээр хийсэн эдлэлийн арилжаа эрхлэгч хуулийн этгээд, хувь хүн, үл хөдлөх эд хөрөнгө зуучлалын байгууллагууд https://toollogo.1212.mn цахим хаягаар хандан бүртгүүлэх юм.




Мөн www.toollogo.1212.mn цахим хуудсанд ААН-үүд www.etax.mta.mn татварын цахим системд нэвтрэх хаягаараа, иргэн бол татвар төлөгчөөр бүртгэлтэй бол мөн адил татварын системээр эсвэл www.e-mongolia.mn системд бүртгэлтэй хаягаараа нэвтрэх боломжтой юм. Байгууллага, ААН-ийн улсын ээлжит тооллого ирэх сарын 1 хүртэл явагдана. 

Холбоотой мэдээ