Улаанбаатар
Ирэх онд Уртын гол багт 260 айлын орон сууц барина
ОРОН НУТГИЙН МЭДЭЭ | ОРХОН
Орхон/МОНЦАМЭ/. Ирэх онд Орхон
аймагт Уртын гол багт 260 айлын 5 давхар 5 блок орон сууц, 2А, 7 дугаар
хороолол, Их-Залуу багт “Багш” хотхон, 7 дугаар хороололд “Төрийн нэгдсэн байр”, Дөмөг захын урд 1000 айлын “Залуус” хороолол, Номын өргөө барина. Дээрх мэдээллийг аймгийн удирдлагууд аж
ахуйн нэгжүүдтэй уулзах үеэр танилцуулсан юм.
Аймгийн Засаг дарга С.Батжаргал, ХЗА, ХББЗА, ХОХБТХ,
ГХБХБГ, Баян-Өндөр, Жаргалант сумын удирдлагууд барилгын салбарын төлөөлөлтэй
уулзаж орон нутагт хийж буй бүтээн байгуулалт, хөрөнгө оруулалтын ажил болон барилгын ажлыг гүйцэтгэхэд гарч буй
хүндрэл бэрхшээлийн талаар санал солилцсон юм. Энэ
үеэр ирэх жилүүдэд хийх ажлыг мөн танилцууллаа.
Засаг дарга С.Батжаргал
хэлэхдээ, “Төр болон ажил гүйцэтгэгч компаниудын хоорондын уялдаа холбоо, ойлголцол, харилцан бие биенээ дэмжин
хамтран ажиллах нь хотын хөгжилд чухал нөлөөтэй. Мөн цар тахлын хүнд нөхцөлд
өөрсдийн боломжоороо бүтээн байгуулалтыг өрнүүлж байгаа аж ахуйн нэгж,
байгууллагуудад талархал илэрхийлье” гэсэн юм.
