Дорноговьд 34-39 хэмд хүрч хална
ОРОН НУТГИЙН МЭДЭЭ | ДОРНОГОВЬДорноговь аймгийн УЦУОША-наас гаргасан 5 хоногийн урьдчилсан мэдээгээр тус аймгийн хэмжээнд энэ 7 хоногт халуун нар төөнөх төлөвтэй байна.
Энэ хугацаанд нийт нутгаар бороо орохгүй. Харин салхи секундэд 6-11 метр хүрч, агаарын температур шөнөдөө 19-24 градус, өдөртөө 34-39 хэм хүрч халахаар УЦУОША-ны мэдээлэлд дурджээ.
Энэ жил тус аймгийн нутгаар бороо хур элбэг орж, ихэнх нутгаар зуншлага сайтай байгаа ч хэт их халах нь бэлчээр хуурайшиж, газрын гарцад сөрөг нөлөө үзүүлдэг хэмээн нутгийн малчид өгүүллээ.
Х.Эрдэнэбулган