БНСУ-д барилга нурсны улмаас 9 хүн амиа алджээ

Дэлхийд | Нийгэм
ayanzaya@montsame.gov.mn
2021-06-10 11:20:04

СӨҮЛ. /Yonhap/. БНСУ-д таван давхар барилгыг буулгах ажил явагдах үеэр ойролцоох автобусны буудал дээр зогсож байсан автобус нурангид дарагдаж 9 хүн амиа алдсан харамсалтай хэрэг гарчээ.


Осол Өмнөд Солонгосын баруун өмнөд Күанжү хотод болсон бөгөөд барилга нуран унасны улмаас мөн 8 хүн ноцтой бэртэл авсан байна.


Гал түймэртэй тэмцэх газрын мэдээлснээр, нурангид дарагдсан автобусанд 17 хүн сууж байсан аж.


Автобусанд 12 хүн байсан гэж гал сөнөөгчид эхлээд таамаглаж байсан хэдий ч аврах ажиллагааны үеэр нурангид дарагдсан хүний тоо нэмэгдэж байжээ. Тийнхүү аврагчид нуранги дор гацсан байж болзошгүй хүмүүсийг хайх ажиллагаагаа үргэлжлүүлж байгаа аж.

Холбоотой мэдээ